علاقات الصداقة اللي بتتحول لارتباط بيبقى متوقع منها تنجح اكتر من غيرها..
ناس عارفه بعض.. وفاهمه بعض.. وفيه بينهم كتير..
ديه حقيقه.. بس اللي ممكن يخربها في الغالب حاجه من اتنين..
اما taking people for granted..
خلاص ده بقا مضمون.. فالناس تبطل تعمل حاجات حلوه لبعض.. تبطل تهتم.. تبطل تفكر تعمل حاجات لاستمرار العلاقه بشكل كويس.. اصل اعمل مجهود ليه في حاجه مضمونه يعني؟
وبالتالي نوعية العلاقه بتنهار تدريجيا..
او very high expectations..
سقف توقعات في السما بقا.. اصل ديه واحده عارفاني كويس .. اصل ده واحد عارفني كويس.. فعارف كل حاجه انا عايزاها او محتاجاها.. او عارفه كل حاجه بتبسطني وكل حاجه بتزعلني.. فبنحمل العلاقه اكتر من طاقتها.. وبنحملها الكثير من الاحباط..
وبالتالي برضه نوعية العلاقة بتنهار..
مفتكرش انه فيه طريقة مثالية لبدء العلاقات الانسانيه...
بس دايما الحفاظ عليها في حتة كويسه بيتطلب مجهود وتواصل وشوية حاجات حلوه وذكريات ومناسبات ووقفات جنب بعض.. وشوية حاجات فوق بعض