ماتزعلي...
ما عاد في اخساره ...
كسرة الخاطر ما لها جباره ...

ما عاد فيه خساير ...
بعد ما انكسر قلبي بديت انساير

ما ايهمني اللي ايصير واللي صاير ...
مع اللي زمان امتبعين أخباره

زامط غصايص واجدة ...
فوسط الجواجي حاصله الصناره
ان فكرت نجبدها اتدير ضراير ...
ولو نويت نتركها انعيش مراره

خنجر طعني وسط قلبي غاير ...
انعده خونته ريدي كحيل أنظاره

انعده غلا أم الغتيت ضفاير ...
مركب ركب عالموج شال اتجاره
الرايس فرح رافع شراعه وساير ...
وزادت أفراحه وين شاف مناره
لكن قدر ربي وحتما صاير...
هبت عواصف ماكنه وجباره
المركب غرق ماعاد ليه أماير ...
امغير كسوة الرايس اتجيب اماره

الدنيا غروره الوقت يقلب داير ...
ابن ادم ايموت وباقيات أخباره ....