السالفة واضحة هو اللي غلطان أكثر
لأن أنتِ بس قلتي كلام وهو ضربك
كان يقدر يرد بالكلام ليش ضربك !

لو أنتِ رديتي عليه لما ضربك وضربتيه
كذا بتكونون متعادلين

وممكن تعتذرون لبعض أو تقررون تنفصلون
على حسب كيف كانت علاقتكم قبل الضرب

بس الواضح لي أن أنتو الاثنين عصبيين وأسلوبكم مستفز
ل هالسبب احتد الكلام بينكم ووصل ل هالمرحلة


اللي يضرب ما يملك نفسه
واللي ما يملك نفسه ممكن يتهور ويقتل بعد
مو بس يضرب يعني ينخاف منه الصراحة

الحين لو أنه لما ضربك سبب لك إعاقة ولا قتلك
بيشوفونه غلطان ولا عادي بعد !
متأكدة لو قتلك أهلك بيقلبون الدنيا عشان ياخذون حقك


عموماً
أنتِ أدرى بزوجك وتعرفين طبعه
وهل هو دايماً كذا وعادي عنده يضرب لما يعصب
ولا أول مرة يصير هالشي !


شوفي هالكلام


كيفية التعامل مع الزوج الذي يضرب للمرة الأولى

عندما يضربك زوجك للمرة الأولى، يمكنك طلب الانفصال أو إعطاء فرصة أخرى،
ولكن قرارك يعتمد على الحالتين التاليتين:
في حال لم تبدُر منه أي تصرفات سابقة تدل على أنه شخص عنيف بطبيعته،
وفي حال كان دائمًا يعاملك معاملة حسنة، فننصحك بأن تجلسي معه،
وتوضّحي له أن ما فعله غير مقبول، وأنك مستعدة للبقاء معه وإعطائه فرصة أخرى
بشرط عدم تكرار الفعل نفسه مرة أخرى، واطلبي منه الاعتذار أمام الأولاد
على ما فعل في حال ضربك أمامهم.
في حال كانت معاملته لك سيئة من مدة طويلة، فمثلًا يستهزئ بك،
ويهينك أمام الناس، وينتقدك بشكل جارح، ويمنعك من زيارة عائلتك وأصدقائك،
فهذا يعني أنه سيضربك مرة أخرى،
ولذلك عليك استشارة الأخصائيين والتفكير الجدي في الانفصال.


^ نفس الشي أنتِ
إذا كان أسلوبك مستفز على طول وعصبية
ترا راح تكرر نفس المشكلة لو ما غيرتي أسلوبك


وترى غالباً مثل هالخلافات تصير بين الناس المتشابهين
أكثر من المختلفين

يعني مثلاً:

الاثنين عصبيين
أو الأثنين عنيدين ويحبون التحكم
والاثنين حساسيين
أو الاثنين صريحين بزيادة .. وهكذا

لو كان طرف منكم متفهم ومو عصبي
كان بيعرف كيف يتجنب أي خلاف وما بتوصلون للضرب