أسعدكم الله بكل خير وعافية ..
وصباحكم/ ومساءكم فرح
*
*
*
عليك السلام وكل أجر و عافية
من كل قلبي وكل دعوه لافية
يا مترفة حنا معك لا تحسبي
ان نتركك لو هي ثواني غافية
انتي انا وشلون أترك موطني ؟!
يا موطني كلي مشاعر صافية
يا حُبنا لك ما تشوفي .....
............................
والا انا حالي إذا جاء لك تعب
ذي روحي تمشي ع الجمر لو حافية
يا أجمل ارزاقي و اغلا دعوتي
الله هدانا إياك و انتي وافية
اي والله ان وجودك انتي مثل ما
شمسٍ تنورنا ويدها دافية
في عز وجعك ترسمي البسمه لنا
ومن الوفاء بك ما انتي اللي جافية
انا أراهن بك على كل دنيتي
حتى تحدى بك ليالي خافية ❤️
امانتك وانا معك طول العمر
ياللي بشوفك كل روحي شافية
غلفت كلي وسط إحساس الشعر
كاااااااااااااان اللحن قلبي
و
رووووحي قافية
و
و
و
أستودعك ربي الرحيم المعافي
يا قطعة مني وفي داخل الروح
ما غيره المعبود للعبد شافي
يا رب اشفيها من آلام و جروح
ضاق الصبر و أقول يا هم كافي
وعدتني ترجع ولا عمرها تروح
وشلون تتركني أعيش بمنافي !؟
وهي اليقين اللي لها بصدري صروح
ولو تعرفين شكثر همي تخافي
احزن من الغصه و أكبر من النوح
و
و
و
يا من يطمني على غالي اغليه
راح الوقت ما زارني ببتسامة
بحت حروفي من كثر ما اناديه
عساه طيب !
ليه غيب ؟!
علامه ؟!
انا اعرف انه بالوفاء من يضاهيه
الطيب طيبه و الغلا بإهتمامه
استحضر اوقاتي معه يوم البيه
يومه حروفه مثل وبل الغمامة
هو يدري اني كيف دايم اناجيه
والله ولا غيره بقلبي مقامه
أستودعه ربي لكل عين ترجيه
وترد لي فرحي بكل السلامة
لـ الـولـه .
*