للخوف باقي على أرض المحبه سراب
من ياخذ الخوف من صدري ويكسره
تعالي اقري ع جرح (جناة الغياب)
ناخذ ونعطي بفهم العفو والمقدره
أنا عزيز النسب وعزيز الجناب
مايسدني عن كثر الوصل غير اكثره
وانا كريم الشعور اللي مايحسب حساب
وأنا بخيل الكلام اللي مافيه ثمره
وانتي حصيلة دعاي الصادق المستجاب
وانتي سبب ذنبي الي يطلب المغفره
انتي صواب الخطا وانتي خطاي الصواب
وانتي عذر دمعي الي ماقدرت اعذره
الراحه الي معك؟ منها يكون العذاب
وعذابي الي بدونك؟راحتك تجبره
وش عاد سؤال يقول ماله جواب
من اصغر باب هجرانك الين اكبره
ماودي الشوق يصغر في عيون العتاب
ولا ودي العمر يسرقة العتاب اخسره