وشلون تقسى ياحبيبي وأنت عودك خيزران لاعاد تقسى مثل ماتقسى السنين الماضيه
ياعود ماسمّوك عود إلّا ولك قدّ وليان
حتى الأيادي عينها عن قطفتك متغاضيه
يالله تحنّن مابعد جرّبت في عمري حنان
ناظر عروقي من الحنان اللي تعرفه فاضيه
ماعاد في صدري جلد ياالله عليك المستعان
غديت كني بايع الرمضا لعينٍ لاضيه
ليه إتغلّى ؟ ولّت دروب التغلّي من زمان
اللي طرحني في هواك الضربتين القاضيه
الأوّله ساعة لمحتك وأصبحت عشري ثمان
والثانيه يومك معذبني وروحي راضيه