..







صباحكم كنافه

قلت امس ما فيه محتوى لكن سبحان الله المحتوى بنفسه جا لين عندي

شفت موضوع امل الأخير عن البنت اللي زوجها ابوها لشخص عشان دين

من امس وانا اتابع الردود اللي بالموضوع وحرفيا بمعنى الكلمه بدون مبالغه قلبي عورني

من أمس قلبي يعورني لهاللحظه اللي أكتب فيها هالتعقيب

حجم الألم والخذلان اللي تحملته هالبنت طول السنين هاذي لا يوصف

الأب دائما سند وعزوه وامان لبنته وبعد وفاته كل شي حلو يروح معاه

انا اتكلم عن هالشعور بما أني لي 3 سنوات من لما فقدت والدي

لكن لما الأب اللي مفروض يكون هو كل شي حلو في حياة بنته يطلع منه هالتصرف

خلاص اكيد هالبنت حاليا تتوقع اي شي ومن كل الناس

هالقصه راح تهز ثقتها بالناس كلهم اما ثقتها بنفسها انتهت كليا اكيد

مهما سوت ما تنلام ولو كان والدها لها كامل الحق انها تحاسبه أو حتى تحاكمه

يكفيها انها تتسائل بينها وبين نفسها كيف نظرة زوجها لها

لا فعلا ودنا نعرف كيف تعامل الزوج معها من اول يوم زواج للان

اساسا كيف وافق على هالحكايه كلها مدري وكيف هي تقبلت تعيش معاه كل هالسنين مدري !

هالبنت اكيد وبلا شك تحتاج لعلاج نفسي مو شرط دوائي ولو سلوكي

اكيد الموضوع سبب لها كسر في داخلها محد يتخيل حجمه او ألمه غير رب العباد

لما نقول فيه رجال للان يظلمون النساء أو باقي للان في مجتمعاتنا العربيه

ظلم للنساء في بعض البيوت او العوائل يهاجمونا اخواننا الشباب وينكرون كلامنا

هاذي قصه من الواقع وفيه غيرها قصص كثير ما نعرفها ولكن الله يعلم بها

حسبنا الله ونعم الوكيل ربنا ينصر كل مظلومه يارب









..