مرحبا وسهلا أختي الياسمين ، كيف فاتني هذا الموضوع ؟ الله أعلم .

بصراحة أحييكِ على هذه الأخلاق الرفيعة وسعادة تزرعيها في قلب هذه المسكينة أجمل من ألف درس موعظة .

ياخي ما يقهرك إلا واحد يجي يقول كيف تعطيه كذا وكذا؟ عطيتيها من حر مالك ما قطعتي كبد حد ولا كلية حد حتى تفور هالتنور .

سلامات ، ما هو هذا المطلوب وهذه قمة الكرم والجود وشكر النعمة .

العزيز اللي يحس المعدوم بالعز وهو في حضرته و أنا متأكد تماما هالمسكينة اللي تعمل عندكم معاونة منزلية راح تبكي بحرقة إذا سافرت لأنهم محرومين من التراحم والود في مجتمعاتهم .
هذه ماهي غريبة على أهل الكويت وبصراحة اللي عندنا حاليا كانت قد عملت في الكويت ومره قالت لي : بابا أنا يبغى جفصه هههه. جلست لي ساعه أخبرها ايش جفصه ؟ ملابس ، كريمات ، شامبو ،

ياجماعه وش معنى الجفصه أو جفشه ما دريت وش معناها . قلت الله أكبر هذا ايش أكل وألا ايش؟
قالت : أنا كلمي انتا عربي مافي فهم عربي؟ قلت : حاضرين جفصه جفصه . بذمتي جبت كل شي غير الجفشه ذي ما حد في صلاله كلها فهمني .

أختي الياسمين اللي إنتي تشوفينه شي عادي بعض الناس المرضى أخلاقيا يشوفونه تقليل منهم إذا رفعتي من مقام العمال والمعاونين .

أنا ما زعلني كلام المطوعه كثر ما زعلني كلام الثانية .

ما يوصل لهالحد .

خير يا طير . كلنا أبناء 9 شهور وألا بعض الناس نزل من السماء تحمله الملائطة ونحن ما ندري؟

لا حول ولا قوة إلا بالله . والله يا اختي الياسمين نحن أهل قرية ومعنا بقر وغنم وكثير يجونا عشان الحليب والسمن وأحيانا اللي يجي يصلح مكيف أو يصبغ جدار ويدخلون المطبخ ويغرفون من غدانا وعشانا قبلنا ولا كأن شي صار.

و شخصيا ما أحترم اللي ما يحترم الضعيف المسكين ولو يلمع وجهه من النور والله ما أعطيه أي احترام إلا السلام عليكم .

نرفزتني المطوعة بصراحه حرام عليها ما يصير هالكلام يطلع من داعية .

لي طلب عندش . ذولا الثنتين من اليوم لين نهاية ذي الحجة ما يطبون عندكم زيارة .

القطع غالية جدا ولكن الكريم والجواد يعرف يصرف نعمة ربه بحقها ويشكره عليها وكذا تزيد وتحل عليها البركة.

آمنت بالله . مددي المنع لين رمضان 1450 هجريه . ناس تطفش صراحه وش دخلهم ؟ تعطيها عيونها وش دخلك ؟ آمنت بالله