السلام عليكم
اخوي ومهندسنا الغالي احمد
احب اشكرك على جهودك وتعبك
في بقاء واستمرار المنتدى وبالقوانين
كل شي يمشي بالشكل الصحيح
واكيد علينا جميعاً نحترم و نطبق قوانين المنتدى
والله من كم اسبوع وانا ودي اناقشكم بخصوص
الي اشوفه من صرامه وتشدد وايقاف اعضاء
على امور اشوفها بسيطه منكن تنحل بشكل افضل
يعني قسم الالعاب تم اغلاقه لنفس السبب
الي يحصل في قسم التواصل من اسمه التواصل
والعضو يحب يسولف ويفضفض ويتعرف على الاعضاء اكثر
دام هالشي بحدود الادب والاحترام
وعن نفسي اتواجد بالبقسم بأوقات كثيره
ماشفت من الاعضاء الاكل المحبه والاحترام
واي تصرف فيه قلة ادب اوغلط طبيعي يتحمل
اي قرار تتخذونه في حق من يسيء ويخالفكم
نجاح اي منتدى هو في تواجد اعضاءه
وحاليا مثلك عارف المنتديات نادره واحنا نشكرك
على عملك على استمراو المنتدى واعرف العمل اليً تقوم فيه
بالذات قسم التواصل هو مكان تجمع اغلب الاعضاء
وطبيعي تحصل سوالف فيه ومزح بعيده عن الغزل وهالامور
مو شرط ادخل المنتدى لاجل اقرأ مواضيع الكتاب
والمثقفين كل واحد وله ميوله وقوقل ويوتيوب مايقصرون
معاك بخصوص السوالف في موضوع والخروج عن المحتوى
لكن اغلب المواضيع بالقسم اشوف المواضيع تخل العضو يسولف
واشوف القسم اكثر قسم ناجح وفي تواجد للاعضاء
ادري طولت عليك لكن فيني كلام كثير
اتمنى تطول بالك وانت قلبك كبير والكل يحترمك ويقدرك
واشكرك انك عطيتنا مجال نتناقش معاك على هالموضوع
والله يعطيك العافيه
