ﻳﺨﻄﺮ ﻋﻠﻴﺎ أوبيي ( والدي )
ﻭﻳﺨﻄﺮ ﻋﻠﻴﺎ ﻳﻮﻡ ﻃﻔﺎ ﺿﻴﻲ
ﻳﺨﻄﺮ ﻋﻠﻲ ﺳﻼﻣﻪ ..
ﻭ ﺗﺨﻄﺮ ﻋﻠﻴﺎ ﺿﺤﻜﺘﻪ ﻭﻛﻼﻣﻪ
ﻳﺨﻄﺮ ﻋﻠﻴﺎ ﻟﻮﻧﻪ ..
ﻭ ﺗﺨﻄﺮ ﻋﻠﻴﺎ ﺑﺴﻤﺘﻪ ﻭﻋﻴﻮﻧﻪ
ﺗﺨﻄﺮ ﻋﻠﻲ ﺍﻟﻄﻠﻪ ..
ﻛﻴﻒ ﺍﻟﻘﻤﺮ ﻭﻳﻦ ﺍﻟﺴﺤﺎﺏ ﺗﺠﻼ
ﻳﺨﻄﺮ ﻋﻠﻴﺎ ﻣﺎﺷﻲ ..
ﻳﺨﻄﺮ ﻋﻠﻲ ﺑﻜﺎﻧﻲ ..
ﻭﻳﺨﻄﺮ ﻋﻠﻴﺎ ﻳﺎﺱ ﻓﻴﻪ ﻧﻌﺎﻧﻲ
ﻭﺗﺨﻄﺮ ﻋﻠﻴﺎ ﻳﺎ ﺍﻋﺮﻭﻕ ﺣﻨﺎﻧﻲ ..
ﻳﺎﻧﺒﻊ ﺻﺎﻓﻲ ﻳﺎﺯﻫﺎﻳﺎ ﻛﻠﻪ
ﺗﺨﻄﺮ ﻋﻠﻴﺎ ﺩﺍﺭﻩ ..
ﻭﻳﺨﻄﺮ ﻋﻠﻴﺎ ﺣﺰﻥ ﻣﻮﻋﺮ ﻧﺎﺭﻩ
ﻳﺨﻄﺮ ﻋﻠﻲ ﻭﻳﺠﻴﻨﻲ ..
ﻭﻳﺨﻄﺮ ﻋﻠﻴﺎ ﻳﻌﺎﻭﺩ ﻋﻠﻲ ﺣﻨﻴﻨﻲ
ﻭﻳﺨﻄﺮ ﻋﻠﻴﺎ ﻣﺎﻋﺎﺩ ﺗﺸﻮﻓﻪ ﻋﻴﻨﻲ
ﺗﺨﻄﺮ ﻋﻠﻲ ﻳﺎ ﻏﺎﻟﻲ ..
ﻭﺗﺨﻄﺮ ﻋﻠﻴﺎ ﻳﺎﻋﺰﻭﺗﻲ ﻭﺭﺟﺎﻟﻲ
ﻭﺗﺨﻄﺮ ﻋﻠﻴﺎ ﻭﻳﻦ ﺭﺍﺡ ﺩﻻﻟﻲ ..
ﻭﻟﻪ ﺳﺮﺍﺏ ﺍﻟﻴﻮﻡ ﻧﺤﻜﻲ ﻋﻨﻪ
ﻳﺨﻄﺮ ﻋﻠﻲ ﻓﺮﺍﻗﻚ ..
ﻭﻳﺨﻄﺮ ﻋﻠﻴﺎ ﺣﻠﻢ ﻟﻴﻠﻲ ﺟﺎﺑﻚ
ﻧﺒﻜﻲ ﻭﻧﺸﻜﻴﻠﻚ ﺣﺎﻟﺘﻲ ﻑ ﻏﻴﺎﺑﻚ
ﺍﻟﻴﻮﻡ ﻣﺘﻮﺍﺭﻱ ﻋﻠﻲ ﺑﺘﺮﺍﺑﻚ