منتديات مسك الغلا | al2la.com - عرض مشاركة واحدة - إيقاف مباشر للمخالفين الذين يخرجون عن محتويات المواضيع

~~بيبسي~~ · 05-26-23, 09:26 AM


	المشاركة الأصلية كتبت بواسطة هيراا


	مرحباً بجميع الحضور . وجمعة مباركة عليكم جميعاً بداية ... ياريت حضرتك تاخد كلامي بصدر رحب مستر أحمد أولاً ... يؤسفني اني اقولك أن حضرتك فاهم الإدارة غلط الإدارة مش معناها اني كل شوية اكتب موضوع اصطدم فيه مع الأعضاء معلش دي مش مسؤوليتك الأدارة الصح لازم يكون فيها تدريج ... زي نظام الدولة لما تكون دولة مؤسسات ثانياً ... أي حاجة تخص الأعضاء دي مسؤلية مشرفين الاقسام .. كل مشرف مسؤل عن مراقبة تصرفات الأعضاء اللي بيدخلوا عنده وهو المسؤل عن مواجه اي تجاوز أو مشاكل تحصل مع الأعضاء في القسم عنده وحلها ... لو الموضوع كبر منه ومقدرش يحل المشكلة يلجأ للسلطة الأعلي منه وهي المراقب العام وعلي أساس صلاحياتة يتصرف ... دور حضرتك بقي ييجي في الأخر خالص وهي انك تاخد خلاصة الخلاصة في صورة تقرير أن كله تمام أو انك لازم تتدخل في الأمور العويصة اللي استعصت علي المشرف وعلي المراقب العام .. وفي الحالتين سواء الأمور استدعت تدخلك أو لأ ف ده يرجع لتقدير حضرتك .. ثالثاً ... لو كان رد فعلك تجاه أي قسم يحصل فيه تجاوز هو الغلق يبقي ان شاء الله المنتدي ده حيقفل في خلال أسبوع ... قسم الالعاب حضرتك قفلتة علشان التجاوز طب السؤال الأعضاء اللي لم يصدر منهم اي تجاوز في القسم وداخلين يرفهوا عن نفسهم شوية دول ذنبهم ايه ؟ انا ضد المثل الحسنة تخص والسيئة تعم لأ معلش كل واحد وشيلتة .. الحسنة تخص والسيئة برضة تخص وبعدين هو اسمه قسم العاب متوقع يحصل فيه ايه كل حاجة مسموحة فيه من ضحك وهزار ودردشة ما عدا التجاوز وقلة الأدب هنا انا اتخذ إجراء مع العضو مش مع القسم نفسه من كام يوم كان اخي طاغي النظرة تعبان وجمعني معاه موضوع فسالتة عامل ايه دلوقتي قالي الحمد لله أفضل ... انا سألت بأدب وهو رد بأدب .. جالي تنبيه ان الدردشة في المواضيع مخالفه . اعتذرت وقولت مش حتتكرر السؤال .. ايه الجريمة اللي حصلت لما صادف وجود اخي طاغي في نفس الموضوع اللي كنت بشارك فيه ومن باب الإنسانية سالتة عامل ايه ؟؟ الدنيا متهدتش يعني رابعاً ... حضرتك مش فاتح صالون ادبي ده منتدي متنوع الاقسام ومتنوع الجنسيات والثقافات حتلاقي فيه الناس اللي واخده المواضيع جد والناس اللي بطبيعتها فريش والناس الوسط لازم يكون في مرونة في التعامل مع جميع العقليات خامساً وأخيراً .. لازم تعرف اني مش ضدك ك شخص لكن انا ضدك ك فكر ... عزائي الوحيد أن تكون نواياك خير لكن التطبيق غلط خفوا شوية عن الناس .. الناس فيها اللي كافيها وبلاش اسلوب التهديد اللي من وقت للتاني احنا مش في مدرسة ولا حضرتك بتتعامل مع اطفال احنا كبار بما يكفي .. أحياناً بحس انك لو قاصد تطفش الاعضاء مش حتعمل كده نصيحة أخيرة... لو حضرتك زهقت أو مليت من المنتدي وحاسس أنه بقي يمثل عبء وضغط عليك أقفله وريح دماغك وشيل ده من ده يرتاح ده عن ده . .

بارك الله فيك ورفع الله شأنك على هالكلام