يا مساء الورد والجمال والحب والروقان

والله ما تتخيلوا كيف انا اليوم رايق … اسم على مسمى اليوم صدق

ان شاء الله بس ما يجينا شي يعكر المزاج

لأن بالعادة حالات الروقان هذي مدتها ساعات وبعد كذا يجيك شي يشقلب ابو المزاج

اليوم من قوة الروقان كنت اغني وانا ماشي … وبالعاده ما اسويها
أولاً لأننا من صغرنا الحمد لله تربينا على ذكر الله والقرآن

والشي الثاني لأن الصوت ما يخارج ابدا

ولكن من قوة الروقان .. حسيت اليوم ان صوتي حلو … ويجي منه .. وينفع حتى انزل ألبوم

فقررت اجيب طبقات صوت محمد عبده في اغنية ( حبيبتي ردي سلامي للهوى)

وتحديدا المقطع البطل جدا ( سنين مرت وانا مدري عن الأيام)

والله يا جماعه يا اني فحط تفحيط .. ونشزت نشاز .. وشوهت ابو ملامح اللحن

فتعوذت من الشيطان .. ومن الإفراط في الروقان

وحمدت الله انا ما حصل كان بيني وبين نفسي فقط

وبس والله