هلا بشيخة الشيخات
و ست الأميرات
و معاها نجمة النجمات و قمرة الأقمار
أول شي
نبي مكيف حق المصيف
و إلا حتى آراءنا و أفكارنا بتسيح على بعضها و تصير تغميسة ناقصها خبز
ثم
نعتذر لو خربطنا أفكارك يا النايفة
بالنسبة لتحذيرات المدير
له وجهة نظر و له حق في استخدام أدواته حسب ما وضع من قوانين و حدود للأقسام و مواضيعها
بالنسبة للدردشة و الفضفضة
على الأغلب تتطور و توصل مرحلة التجاوز
و مو كلنا نعرف نوقف عند حد معين و نسكت
أنا بصراحة بالنسبة لي أحب السوالف و الفضفضة
لكني لأني مجربة نفسي و أشطح بالأخذ و الرد
حتى لو عن حسن نية مو كلنا نوايانا طيبة و حسنة
و أحياناً البعض يجرنا بالكلام و احنا نتفاعل و نتساهل
فالأفضل إنه نبتعد عن جو السوالف إلا إذا تعلمنا نضبط أنفسنا
و نضمن الأطراف اللي نسولف معاهم ما يتمادون
ثم
يفترض إني بنزل موضوع للمطالبة بزيادة حصة التموين ،، لا لا عفواً حصة التقييم
و السماح بوضع تقييمين متتاليين لنفس العضو
كثير من التعليقات توصلني ناقصة
تذكرني بأيام نوكيا ( جزء من النص مفقود )
الواحد مشتط و يكتب فجأة بنص الكلام يروح التقييم كأنه مولود بالشهر السادس مو كامل
أدري مو خوش تشبيهات
ببس جذي حسيت
و موضوعك بتاع اللي ما يتسموش متفاقم و محتاج منا كشعوب وقفة في وجه فرض هذا الفكر المنحرف
ع فكرة
مو عبالكم مصيف يعني ما في شاي
و بس بتقدمون عصير و موخيتو
لا الشاي على راس المنيو
صي يو صون