..









القصه اللي طرحتها فوق صاحبتها ثلاثينيه اماراتيه

مصابه بمرض الثعلبه من 2017

تتكلم عن تجربتها مع المرض خصوصا التنمر والتجريح اللي تعرضت له من الناس حتى اللي ما يعرفونها ولا تعرفهم

ذكرتني بوحده كانت معاي بالدوام اسمها نجوى

كانت ما عندها ولا شعره براسها حتى حواجب ورموش ما فيه

وللامانه محد مننا سألتها عن السبب كانت كل يوم تداوم بالحجاب يعني الطرحه

بس الواضح للكل ان ما عندها رموش او حواجب

الرساله هي ارحموا البشر من الأحكام السريعه

كل شخص نقابله في أي مكان وراه قصه

مو لازم يسدح لك قصة حياته كلها وظروفه عشان تعرف وش عنده

اكرموا الناس بحسن ظنكم وبطلوا تحكمون عليهم بسبب شي ظاهر لكم ولا تعرفون سببه

العيادات النفسيه مليانه مرضى قبل ثلاثة أسابيع

رحت مع وحده من اهلي لأشهر مركز نفسي في الخليج

الأعداد اللي شفتها بالإستقبال كبيره واللي في صالات الانتظار اكبر

يا كثر المصابين بالاكتئاب والاحباط والقلق وغيره

الأغلب سببها مواقف او تراكمات أو ظروف

قل خيرا او أصمت لو الكل يطبق هالجمله كانت الدنيا بخير

يكفي اللي كتبته لكن انصح الجميع يشوف الفيديو اللي بالرد اللي قبل هذا

راح تفهمون وتعرفون كيف الكلمه ممكن تقتل الحياة في عين انسان وكيف ممكن تحيي فيه الأمل والتفاؤل

اذا ما كنت سبب في سعادة غيرك فلا تكون سبب في تعاسته








..