ما انريدك اتجي
يللي كنت عندي كل شي
خلاص اليوم ...
ما انريدك اتجي
ماانريدك اتجيني
ولا ما اتقول في عقلك يبيني
لا والله مانحني جبيني
حتى ان كنت لعيوني صبي
ولا ما اتقول كاسرني حنيني
لا والله ماتعبى علي
مهما ادير ماتكسرش عيني
قربك غلط نكويله ايديّ
فات الوقت فات
وإللي فات قالو الناس مات
رباية عز ما نرضى بفوتات
إللي راح من غيره غني
عندي كل خير
وعزة نفس والعزم الكبير
وديما صيد ماعمري انحير
بفضل الله رازقني الحي
غلطت عمرك درت
كنت كبير في عيني صغرت
اندير جديد انت اللي اخترت
حبك نار وأفعالك إمّي
نلقالك بديل
ماتحساب ماعندك مثيل
مااتجينيش اشقى بالرحيل
بلاك خلاص ني عايش هني
انساني خلاص
يامجنون يا اغبى الناس
هناك حديد يتساوى بماس
راهو الماس مازياش زي
الموضوع مش تسكير راس
الغربال ما ايدرق الضيء
ما انريدك اتجي
يللي كنت عندي كل شي
خلاص اليوم ...
ما انريدك اتجي