حبيبتي قلبي حياتي احنا انطعنا من الاهل من الاقارب مو بس صديقه
لي سنه ونص مافتحت محادثات الصديقات اللي من الثانوي واللي من الجامعه
من كثر صدمتي فيهم عشنا ببيت واحد تربينا بنفس البيت
استغلوني مادياً لسنوات من عُمري بطاقة الصراف في يدهم
جوالي بيدهم سيارتي معهم
سددت عنهم مبالغ كبيره مره واثنين وثلاث
وجت الطعنه منهم متخيله كيف صارت نفسيتي وكيف صدمتي من هالعالم
وهم فعلوا كذا ومتاكدين اني مابعيش من غيرهم متعلقه فيهم عاطفياً
عارفين ان مشاعري مشاعر حمارة ماقدر ابعد عنهم لانهم اهلي وسندي بالحياة
يعني احمدي ربك اقلها ماصرفتي عليهم فلوسك
الكلام مايضر ابداً
ونسيت السالفه مجرد تسعه شهور ونسيتها وربي اعطاني على قد نيتي
اعطاني اللي استحق
والله جزاهم كلهم بما يستحقون عليهم ايقاف خدمات ومنع سفر
وخسروا الجده اللي كانت تمولهم
وانا ربي عطاني حتى ارضاني وعوضني العوض الجميل
لاتخافين مدامك طيبه ونيتك حلوة ابداً لاتخافين من البشر
لو اجتمعوا علي أن يضروك بشيء ، لم يضروك إلا بشيء قد كتبه الله عليك
خليك مع الله دائماً وابداً في معاملاتك مع البشر
ولن يضيعك رب العالمين صدقيني