سايرت واجد والقناعه خير

ما يكسب الرجال في وقته

..

إلين شفت اللي مِجيَّه غير

خلاني اسأل مين جايبته

..

إلى حضر تلقى من التأثير

ما يجعل الأعناق ملتفته

..

والى تكلم ما ترى تقصير

في قوله اللي قال واجوبته

..

اسماعنا له ترتخي تقدير

واقدامنا عجله ومنفلته

..

فيه آتأمل مترف التعبير

لقيته الإنسان بكملته

..

بديت أفكر واعصر التفكير

حتى نخرت الراس بسئلته

..

عصارة التفكير والتفسير

الشخص ذا من وين مرجلته

..

يشهق طهور وزفرته تطهير

إمن النفس الأول لِيَا آخرته

..

والناس تعشق طلته واتحير

وتشوفها بهره ومنبهته

..

منه إتعلم كيف تصنع خير

وكيف إتثبت ساعة النعته

..

ماهو بلا الأول ولا الأخير

الأرقام حطمها بمنزلته

..


يسج بك عن منطق التكوير

حتى عن التقويس وأنضمته

..

مساحته أكبر من التحرير

ومن الفعل يبني مخيلته

..

فيه النضام يمر عكس السير

كنه يقول السير صححته

..

بشر تشوفه بس كنه طير

بين الشجر والغيم مـنطقته

..

لو ني امـه زدت في التكبير

من شر عينٍ جـات حـاسدته


..

هذا ( انا والليل ) والتقرير

ملفي الغابر وفتشته

..

هذا انا حقاً بلا تبذير

يا قارئي بعضي ودونته

..

عندما يصف الواثق
ذاته ومكانته بشيء
من التواضع
عتيم مرحباً بعودتك