والله نفسي
بس اكتشفت أن البنت مريضة وعقلها صغير
ومو بس أنا تعاملني كذا
تحب تكون هي محور اهتمام الناس
ما تحب الناس يهتمون بغيرها أكثر منها
عكسي أنا أحب العزلة أكثر وأحب أكون بعيدة عن الناس
بس ف المنتدى أشارك وأسولف بالواقع العكس

كنت معها ف قروب ع الواتس
والبنات مدحوني فالقروب وهي غارت وانقهرت
من كلامهم واهتمامهم فيني
مع أني ما كنت انتظر مدح ولا شي وما يفرق عندي
ما قدرت تخبي غيرتها وحاولت تأذيني بالكلام وأسائت الظن فيني
يعني تعرفون اللي تحسبك محور كونها وتبين تسرقين الأضواء منها
كذا كانت تظن
طلعت من القروب ما قدرت أتحملها
وكلهم ابتعدت عنهم حتى اللي مدحوني وكانوا طيبين
لأن خلاص مابي ولاحد وأبي أكون صديقة نفسي وبس


وحتى سالفة شباصة مع الفلوس نفسي
أقصر مع نفسي وأعطيهم ما هذا أشوف أذية
ومهما أعطي أشوفهم يقولون هل من مزيد
بدون ما يفكرون فيني وبظروفي
وأنا عكسهم ما أطلب لا اهتمام ولا حتى فلوس وأعز نفسي
ومابي منهم ولاشي بس أبيهم يتركوني فحالي

طبعاً قبل كانت شخصيتي غير
ويمكن كنت أنصدم وأزعل ومدري شو أسوي
أما الحين صرت أحط حدود وأعرف شنو أسوي
ولما الناس يحذروني أركز ف كلامهم
وعادي أتوقع أي شي من الناس وما أستغرب
وصرت أعرف كيف أعطي درس لكل من يستهين فيني
أو يحاول يستغلني أو يستغفلني
وأرد عليه باللي يناسبه

والحمدلله أصلاً الله يبعدهم ويعوضني بأشياء حلوة
وما أخسر شي أبداً ..