السلام عليكم ورحمة الله وبركاته،
انا مش محامية، ولا درست المحاماة..
لكن حابّة أوقف اليوم في هالمحكمة، بتمنى يصل صوتي لكل رجل.. لأنه رجل يخشى الله، ولأنه اسمه " رجل ".. ثانيا..!
يا أيّها الرجل..... ،
كنت منذ زمن ، بتشارك بالحروب وبتشق مصاعب الحياة وتصعد الجبال وتتحمل الألم والجوع والعطش..والبر وحرّ الصيف،.
الآن...
لديك زوجة..." انثى" .. وليست .." وحش" في بيتك!
هالأنثى .. لها عيوب كثيرة..
معروف على الانثى انها المخلوق الضعيف في عواطفها وجسدها !
اللهم نادرا وحالات استثنائية من النساء تراهم كالرجال= وذاك موضوع آخر....
يا أيّها الرجل،
هذه المرأة عندما تُصبح " زوجتك".. بعد فترة تصدر منها بعض العيوب الكثيرة ويلي بتعمل Headaches .. وبتسبب لك ازعاج نفسي بسبب غالبا (( امور تاافهة منها)..
* ليش تأخرت عن البيت؟
مع مين كنت؟
مين هي يلي اتصلت ؟
ايمتا بدو يجي الراتب؟
ايمتا بدك تشتري لي فستان..
ايمتا تشتري لي سيارة او بدي خدامة .....الخ .
........
اذن معروف عن هالمرأة " النقّ" بكتير من الأحيان..
وغالبا عندها طلبات وطلبات.
اللهم بعض النساء ساكتات لكن بيكبتوا لانهم بيعرفو الزوج بيضايق!
مثلا بتشوف جارتها لابسة فستان جديد..ما بتقول ل زوجها وتصبر المسكينة. حتى ما تكون " نقّاقة " = يعني بتنق كتير!
بمصطلح تاني = لحوحة بالطلبات. كتيرة الكلمات.. مما يؤدي الى Headaches..لبعض الازواج= ونلاقي هالزوج مش متحمل هالزوجة..بروح يضربها او يشتمها او يهجرها او يعاتبها..
شو غلطتها ؟
انو هيك طبيعتها المسكينة ..
يا بتغار عليه وحساسة
يا عصبية ومضغوطة..
يا بدها اشياء مادية متل فستان تروح حفلة مثلا..
وبيجي زوجها مش متحملها مرة ع مرة ووو ....
مش بعيدة تلاقي وصلت الامور للطلااق !
وبكل بساطة ادام القاضي:
يا سيدي القاضي، مش قادر اتحمل زوجتي.. والله وجع رااس . برجع من البيت.. ثرثرة.. وبتغار واسئلة وطلبات ... الخ. خلص بدي طلقها...!!
طيب ..
* نرجع للسطور الأولى ايها الرجل...
انت تحملت الحروب والحروب وشقّ الجباال.
وجاي هلا مش قادر تتحمل . طلبات مراتك او وجع راسك منها ولاا قادر تسايرها؟
يا ابن الحلال ( وخااصة ازا زوجتك تحبك)..
على مين بتبحث اذن ؟
ع وحدة تخونك ا. تغدرك لا سمح الله وتبقى سااكتة..هيك انت ترتاح ؟
غالبا..المراة الطيبة او الانسان الطيب بيعاتب وبيحكي..
العتااب = ابدا ابدا مش مقياس للكره.
وغلط غلط للرجل يروح يترك زوجته يلي تعاتبه= بالعكس لازم ينبسط !
" خافو صمت المرأة ..هو يلي يخوف "!
* فأنت يا رجل كنت تتحمل هالحروب مش قادر تتحمل زوجتك الأنثى؟
ليش اسمك " رجل" ؟ ..
* من جهة تانية...
الرجل نلاقيه بأيام الخطبة حب وغرام وهيام ويجيب لبن العصفورة ل حبيبته ويتحملها.. = وهي خطيبته ..لا دافعة له فلوس ولاا قاعدة ببيته تغسله ولاااا شي. بعدها خطيبته بعيده عنه..
أما لما تصير زوجتك أم ولادك..زوجتك قطعة منك وببيتك..
تسهر لراحتك..لمرضك تعطيك كل شي تتمناه. تعطيك نفسها.. تحبل تولد تتغلب.. تعمل أكل غداء. فطور عشاء.. تهتم فيك..
تصير انت بالعكس.. وقليل الاهتمام فيها ؟
هل هم هكذا الرجال؟
" الرجل الحقيقي.. الرجل الشهم..الروحاني..يلي ثوابه عند الله كبير..
يلي بيبقى مع زوجته نفس اياام الخطبة حتى أكتر واكتر.
ليش تجيب لها لبن العصفورة وهي خطيبتك؟ شو عملت لك وهي خطيبتك؟
روح جيب لها لبن العصفورة واتحملها وحبها تمام ..بعد الزواج.
بعد لما تشوف عيوبها...
بعد لما تحبل وتتعب..
بعد لما تصير لك ببيتك تنظف وتطبخ وتساعدك بشؤون الحياة !
هيدي السطور الكتيرة...
هي " اختصار"..
بترك الجواب..للقاضي...
وهو.. " ضميرك" .. أيها الرجل !
...