===============


*


*




كل بسمة بغيبتك كنها حرام
قبل ماهي تمر وجهي تنكسر


وكل غصه تخنق احروف الكلام
وكل دمعة فقد كنها تنتصر !!


والله اني في غيابك مو تمام
فاقدك فقد الليالي للقمر


ليه أحس بغيبتك بـ الانهزام
والثواني تسكن إحساسي قهر


لا تخليني انا دونك حطام
لو يطول بُعدك اكثر احتضر


خابر انك بالوفاء طيب إهتمام
- والله انك وافيه طول العمر -


طمنيني واهدي لروحي سلام
لا تخليني أحر من الجمر


و

و

و


من مد لك قلبه أمانة و مضطر
لا تتركينه بوادي الحزن غادي


أبعد من الحاجة و أكثر من العُسر
هذا الشعور اللي لقلبك ينادي !!


يا موطني وانا معك دائماً حر
جيتك و أنتي ملجأي يا بلادي


هذا الغلا ماهو مؤقت و يقبر !!
انا غليتك للعمر يا سُعادي


رسمت بك أحلى تلاوين تأسر
الوان طيف تغيض لون الرمادي


كل الثقه بك مالها حد يذكر
هذا الوفاء دينك وكلك مبادي


انا احارب بك زماني ويُقهر
لو كنت انا طارقٍ بن زيادي


يا بسمتك غيمه بها الفرحه تدر
ويخضر منها كل عرق بفؤادي


هذا الغلا يا فآتنة كيف يُحصر !؟
ما ينّقصه وقتي .. ولا هو بعادي


انتي بعيوني غير يا غيم ممطر
فيك آتسامى وافتخر بـ إنفرادي


" والا الاعادي حكيهم ما يأثر
لو همهم و الحلم عثرة جوادي


لا زلت شامخ كيف بالله أعثر !؟
ولا زلت ذاك اللي يخيف الاعادي "


و

و

و



رجعتك تلغي معاني الاغتراب
ترسم البسمه على قلبي الأغر


والله اني من ذهابك للاياب
شمعةً ذابت على أطياف السهر


من تغيبي كوني يكتبني غياب
تفرح الوحده بحزني و الكدر


علميهم بالحضور اللي يُهاب
لو يكونوا الليل انتي اللي قمر


دوزني الكلمة على فن الخطاب
انتي حكيك دائماً يهطل درر


يا يقيني في زمان الإرتياب !!
لو غدى فيه العزيز بلا قدر


وقّفت وسط الصدر أربع حراب
لا تخليها تعمق في الصدر


قوتي اضد بك كل الصعاب
قادر أتحدى الشدايد و الخطر


انتي ياللي في حضورك انسكاب
واحده تسوى بعيوني البشر




لـ الـولـه .










*