حياكم الله جميعا وشكرا للأخت زهرة على هذا الطرح وأحب أشارك رأيي المتواضع .

الشد والجذب مع الحرمه مشكله لأنك على الأقل تروح الدوام ولو عليك ضغط لكن يظل متنفس وتغيير جو اللي حس بقسوة الحجر الاجباري أيام كوفيد بيفهم قصدي .

عادة مشكلة الحريم حاجتين إما عاطفية و إما ماديه

العاطفيه لما الواحد يبدأ يهمشها عاطفيا ومع يسمعها كلام طيب أو يضطر ينشغل عنها قد تكون تمثل دور الناقمه والزعلانه وهي مجرد بحاجة لاهتمام .

الحل إذا شليتها زياره لأهلها كذا كم يوم تغير جو يعتبر حل مفيد .

المشكله الثانيه ماديه وهاذي سهله بالنسبة لي :

من يوم 26 لين 30 الشهر انتي شيخه وانا شيخ امري وتدللي .
من يوم 1 لين 10 حاضرين للغالين بتحفظ
من يوم 11 لين 18 الطلبات الكبيرة اسمحيلي اجليها للشهر القادم
من 19 لين 25 فترة الشد والجذب تزيد هنا وانت مشي الموضوع مو شرط تفوز بالنقاش والجدال .
يوم 26 وين اللي طلب ولا عبرناه أمس ؟ ابشري ههههه .

الحريم مغلوب على أمرهم إذا كانت محقه وزعلتها غلطت وزدتها هم واذا مخطئه وثقلت عليها لحد البكاء معد تبغي تنصح وتحس نفسك معد تفرق بين قلوب الرجال والحريم .

اتخذ معهن قاعدة انتي صح .

على قولة الرجال اللي جاه صديق يشتكي من صديقه
يرضيك يا بو علي ؟ أبو ناصر قال عني كلام ماهو فيني وانا صديقه .
أبو علي : لا ماله حق صراحه انت صح يا بو خالد .
ثاني يوم جا بو ناصر : يرضيك يا بو علي ؟ أمس بو خالد جاك وقال اني قلت عنه كذا وكذا وانا بريء .
ابو علي : لا ماله حق صراحه انت صح يا بو ناصر

راح بو ناصر ودخلت الزوجه : بو علي انت منافق والا وش ؟ كيف تقول لبوخالد انت صح وثاني يوم تقول بو ناصر انت صح ؟ ما كأنك طلعت متناقض ؟ اعترف .

أبو علي : طيب وين المشكله انتي بعد صح يا ام علي ههههه

المغزى : سلك ومشي الامور بكره يوم جديد