الاجابات: زوج عبير ما دام بيفاوض زوجته بفلوس عشان توافق يتزوج عليها معناته وقع في المطب . العدل ضاع هنا . واللي ما يعدل يكتفي بواحده . إذا معه مليون يشلها عمره وحج ورحله حول العالم ويحط جزء من المبلغ للاعمال الخيرية ويفتح بالباقي مشروع وزوجته معززه مكرمه وش يبغى بالثانية دام معه زوجه ومليون بعد ؟


وائل إذا زوجته معد تحملته خير شر يفحص عليها يمكن توحمت وتمر بحالة كره ، إذا مالها عذر شرعي أو طبي يقولها يابنت الناس محد مغصوب على حد والدنيا ماهي عايشه على حب لكن اذا يلحقك مني ضرر ومعد تتحمليني كزوج عطيني اسبابك وربنا يفرجها . إذا شاف أسباب مزمنه مالها حل معد أنصحه يبقيها على ذمته يا تتقبلني كزوج يا بيت ابوها أستر وارحم و اذا مجرد دلع فاهلا وسهلا مع الايام وبشوية تنازلات مني وموده تلين وهن أمهات اللين والرقه