تدرين يوم المطر
وش تمنيتْ ؟
إني أجمع كل حبات المطر
وابني لنا بيتْ

...اخترت لك
غرفة بَرَدْ
وردة بريحة غيم
منديل من خيط البللْ
مايفضح دموعي
إذا رحتِ .. وبكيتْ

كنت أبي لِمّ السما ..
واركض مثل لهفة طفل
يقطف من أزهار الرصيف
أركض لشباكك معي كل المطر
وكل الخطى لبيتك ظما ..

كنت أبي ألبس سحابة
انكسر فيها البريقْ
واجيك أسحبها على وجه الطريقْ
تروي مواويل السفرْْ
ناي وسهرْ .
. تغسل جروح الملح من عين الغريقْ ..
كنت ابيك ..
وكنت ابيك ..
وكنت ابيك
ومالقيت الا مطرْ .. !
♣ ♠♣

مما راق لي<