. -<{ لا تساومني }>- .
يا هيه لا تساومني على الهوىٰ
قلبي ما يقبل على الهوى سوم
لا قلت المشاعر وقلبي مارتوى
ابحث في سوق الفكر والعلوم
اتحدث بجوالي مفوتر لا سوى
ما عاد يهمني دفع كل الرسوم
اكتب من جل المعاني ما حوى
باتغزل فيمن هي بشؤني تقوم
ساسها عز وفخر لقلب لها نوى
حرة أصيلة مجنب كل الرخوم
الشعر ليل مدلهم والخد لضوى
يغار منه القمر و تغيير النجوم
والخشم كسيف مجرد ما ذوى
والثغر باسم ماودك عنه تشوم
جمرتينه ماأحلاها دواء لاكوى
قدام عسل وعقد لؤلؤ منضوم
عنقها عنق غزال له كتفي قوى
سبحان رب صوره حقق حلوم
والصدر بستان زاهي ما رعوى
ما يداعب تفاحتينه إلا الهدوم
والخصر قوس عمره ما ألتوى
صنع خالق شديد القوى رحوم
والساق عود موز من نهره روى
لتمايل ما ودي يجلس او يقوم
آه بها سحر الهوى لقلبي طوى
الله حسيب اللي لي فيها يلوم
الشاعر/ حمد بن فهد المخالده السبيعي