ذبحني مرخي الرمش الخجول الناعس النجدي
هواني وان هويته ما قويت الموت من دونه

لا منه رمى رمشه ولا مس خده الوردي
تضيع الشمس وانوار المكان بنظرة عيونه

ولامن رده وغطى حور عينه برق رعدي
تهد القلب رعشات تزيد الشوق وفنونه


ولا جاني بعد عمري حبيبي قلت يا سعدي
ولا غاب تسالني حروف ال آآآه وشلونه

انا من كثر ما احبه اشوفه دايماً عندي
وهو من كثر حبه لي نسى منهم يحبونه

انا انا والله في حبه تراني واصلاً حدي
اموت و اموت وحيى لمن حركـ جفونه


بنظراته يبادلني ولا هو خايفاً ردي
مدامه واثق حياتي فيه مرهونه

في عينه سحر واسرار وحياتي وجزر ومدي
وثلج ونار وانغام الخلود وردي الشبونه

لامنه خذاني بعيونه بحت له سري
ولهو عين مفتون عطى سره لمفتونه

انا انا ملكه وافدي له ببوي وعمي وجدي
حلاله وان زهمني صحت له يالبيه يا عونه