مرة مسكت معاي اكل خبز شعير
نصحني فيه واحد من الشباب بالدوام
عاد حنا باليوم الاول نستجد الشي ونتحمس له وهكذا كل يوم تخبز لي ام العيال
المهم مرة خلص طحين الشعير
وعن حسن نية كما تزعم حواء قالت لي خلص شعيرك
<< أنا هنا حسيت انها اهانة جايه باكيج كامل شامل الضريبة
هزت كينونتي التي اريد المحافظة عليها شامخة وقوية وذات بأس
قلت لها باقي عليك شوي وتقولين خلص علفك ( من العلف الحيواني )
المهم مشيت على الموود وقلت لها فيه وراء الشعيب غنم يمكن عندهم شوية شعير للرغث ( ما بغيت اقول لها مثلك )
تخبرون حواء اذا استعانت بما نستعيذ منه
وبعد هالموقف بطلت خبز الشعير
وصرت اكل من خشاش الارض
اي شي بالمطبخ يقدمونه اكل منه
وبقيت على هذا فترة من الزمن
الان نبي نرجع للاكل الصحي
اليوم على الغداء غصبتني اكل من الكبسة
انا ما ابغى لكن اكتشفت اني خواف وشرود
اكلت غصب عني
بس عاد ما كثرت لأني اكلت من الحشائش من جرجير وخس وفلفل باللبن
ايه فلفل باللبن
ادري انكم اول مرة تسمعون فيه
اخذت فلفلة حارة ووقطعتها وحطيتها في كوب وصبيت عليها لبن
صار لبن حار