المفروض تخافين على الشباب منها
مو هي اللي منزلة كل هالبرامج و تكلم !

لو كانت مشاركة بموقع واحد ولا برنامج واحد
وجاء شخص يتلصق فيها
هنا تقدرين تجيبين لها قصص وتحذرينها
عشان ما تصدقه

بس قولي لها إذا ما تبي أحد يكذب عليها أو يخدعها
لا تكذب على أحد أو تخدعه

____

تذكرت قصة توني شفتها من قريب
كان في شخص توه خاطب ومخادع
كل مرة البنت تشوف شي مريب وتشك فيه
يقعد يكذب عليها ويغير الحقائق ويلعب عليها
ويخليها تشوف الأشياء مثل ما هو يبي وتصدقه
وتظن أنه شخص طيب وصالح ويحبها

صدقت هالشخص لين يوم العرس
وبيوم العرس عرفت حقيقته وتركته
وحتى طلع متزوج من قبل وما قال لها وانفضح قدام الكل
والبنت انصدمت لان كانت شخصية طيبة وحالمة وتؤمن بالحب

وبنفس اليوم لما طلعت من العرس كانت واقفة بمكان مرتفع وتبكي
ورجلها انزلقت وكانت بتطيح وجاء شخص وانقذها بنفس اللحظة
طبعاً على باله جاية تنتحر هههه
المهم آخر شي طلع هذا الشخص المناسب لها
وكل مرة يصير لها شي وينقذها
وجاها خاطب ثاني بعد وطلع نصاب
ونفس الشخص هذا انقذها منه
وهذا الشخص المناسب لكن ما كانت تقدر تثق فيه
لما تقدم لها ورفضت بسبب صدمتها من المخادعين
مع ذلك عنده إصرار أنه يكسب ثقتها ويخليها توافق عليه

الزبدة
دايماً في نوعين من الرجال
النوع المخادع والنوع الطيب اللي يحترم المرأة صدق
ويخاف يأذيها
والرجل الحقيقي مستحيل يستغل ضعف المرأة أو غبائها وسذاجتها
ويخدعها ويلعب عليها بالعكس بينتبه عليها ويحذرها ويساعدها
حتى لو ما يعرفها ولا تعرفه

ادعي لها
الدعاء بظهر الغيب مستجاب
وإن شاء الله الله يبعدها عن هالبرامج
ويرزقها بشخص طيب ومتفهم وما تحتاج تهرب