بينما انا منغمسه في مسلسلي الجديد ذو المواسم العديدة
فتحت لي شيبس وعصير بتعشى فيها ع السريع مابضيع وقتي ع العشى متحمسة ابغى اشوف قصته
الا واختي تدق تقول امي جوعانه وانا طافيه مااشوف من النوم تعالي تعشي معها
قلت امري لله اروح اتعشى معاها ع السريع وارجع
اول مافتحت الباب الا في وجهي ع الشاشة مسلسل كويتي قديم
قديم جدا
جاء على القناة السعودية برمضان قبل مادري كم سنة
حسيت قطعة الشيبس وقفت مع الغصه بنص حلقي
يالله على المشاعر اللي حسيت فيها كان باقي تكه بس وابكي
رحت ابحث عن سنة انتاجه طلع 97
يعني مرت اكثر من عشرين سنة
يالله كيف السنين تجري من غير مانحس فيها
اذكر كان يجي نص الليل ونسهر عشان نشوفه
طبعا ذاك الوقت كنا ننام حتى برمضان ممنوع السهر
بس كسرنا كل القواعد عشانه
من المفارقات العجيبة
كنا مانشوف الا مسلسلات القناة السعودية ممنوع غيرها
بس كنا في قمة السعادة والاستمتاع
واليوم المسلسلات في كل مكان حتى في الجوال بس فقدت متعتها
نشوف حلقه حلقتين ونمل ونسحب عليها
عاد مادري العيب فيها والا في العمر وفقدان الشغف
