أنا مانيب عبدالله بدونك
ولاني حُر إلاّ في سجونك ..!

(أنا العادي) مثل غيري .. ولكن
أصير (المعجزة) لو جيت كونك

أيَا شعرٍ عجزت انّي أقوله
تمشّي في شرايني بهونك

أحبّك حلْم قاصي .. وان وصلتك
أحبّك حلْم ثاني .. لَجل اصونك

تَحَسْبيني إذا حبّيت (واحد)؟
أنا الـ (واجد) من اللي يعشقونك

ولو هو خانني تعبير قلبي
أفكّر كيف (تعبيري يخونك)؟

سؤال .. وما أبي منْك الإجابة:
وش الأحلى عيونك أو عيونك؟

وش الأجمل جمالك أو جمالك؟
وش الدنيا بلا قمّة جنونك

وانا مانيب انا والله بدونك
ولاني حُر .. إلاّ في سجونك !!