ماني من اللي يشتكون المعاناه
أخفي عن عيون الخلايق أسايه


مآ أشتكي للناس شكواي لله
ما خاب في مولاي لحظة .. رجايه


خلك من اللي ما أحد جاب أقصاه
كلمة من الوالد وِبَقْيَت معايه


من يشتكي للناس بَيّح خفاياه
والحاسد الشامت فِرِح بالرواية


وأصبح ما بين الناس للناس ملهاه
وكل الحكاية صار مصدر وشايه


قل لي متى ما زادت الناس مأساه
نظراتهم سكين تطعن حشايه


هذا وانا اللي ما ذكر يوم شكواه
وش لون لو الناس تعلم خفاية


اللي شكى لله مولاه يرعاه
واللي شكى للناس أصبح حكاية




لـ جرير