يـــابوي جعلكـ للبقا والمكاسيب
عمري بدونكـ يالــذرا ويـش أبـي بـه
يابوي تسأل عن شفاكـ المراقيب
طلعـة سواتـكـ للــنّــــــوايـف غريبـه
ليه المرض مايعرف الزّين والعيب ؟
مايدري انكـ للمـخالــيق هيبـه !!
أبسألكـ وش به غــزا وجهكـ الشـيب
والـــقلب لايـع والنواظـر شحــيبـه
وش بـكـ تحاتي لانــوى الموت تغريب
تخشى علينا بالليّالـي الـــكــئيبـه
خذ دلّتكـ واركى على مسند الجيب
وعطني شماغكـ بلثمه وأحتمي به
ونروّح لأرض ٍ بها العشب والطيب
وتسمع كـــــلام ٍ يالغلا تحتفـي بـه
يابوي بنتكـ لاانحكى بالتّجاريب
كـــــــــل ٍ يشـق لهيبـه الصّيـت جيبـه
يابوي ماني من سوات المخاريب
اللـّي تجيـب لعليَـة القـــــــــوم خيبـه
وماني من اللّي لامشت حفّها الرّيب
أنا من اللّـي مايدنّـس حليـــــــبـه
مرفوع شاني عن غرام المكاتيب
وأكبر من انّنــــي أرتضي بالحبيبـه
أنا غرامي لاابتدوا بالتّراحيب
نـــفوس الأوادم فـي وجـودي رحـــــيبـه
وان كـــــان زيني فتنة ٍ للمصاويب
أحـط وجهـي بالحريـق ولـــهيبـه
زيني أبيعه وأشـــــتري سمعه الطّيب
اسم ٍ ينومس بالصّروح الذهيبـه
وان كان عندي ( بالحلا) شي ٍ اصعيب
عندي جدود ٍ مارضت بالغليبه
دمــوع القبايـــل فـي لقــــــانـا مساكيب
كـن الـمقابـر لاحضرنـا قريبـه
خضّبت لكـ كفّي من العز تخضيب
ورفعت راسي للنّجــــوم الصّعيبـــه
والله لأســـدّكـ بالــفعول المصاليب
والله لأشيلـكـ بالــرخـا والمــصيبـه
طلـــع الــمعالي ماانحكم للشّواريب
بنت ٍ وأنـــاطح فـارس القـوم طيبـه
وياشيخي إبشر لوتدور الدّواليب
بنتكـ إلا منّه عـــــــوى الذّيب ( ذيبـه)
