طيب بدون مثاليات خالص
اولا عمري ما جاملت حد واستنيت انه يرد المجاملة سواء كانت مجاملة مادية او عينية
لو حد غريب بجامل بالفلوس
ولو حد من اهلي ف الموضوع مش مقتصر علي الفلوس فقط
حديك مثل
قبل فرح ابن اختي كان هو بيجهز شقتة وكانت الشقة واقفة علي الوش الاخير من الدهان ومكنش معاه يكملها
اديتة فلوس جاب الدهان وخلصها ( طبعا الفلوس مش سلف )
ده كده محبه .. خد يا حبيبي هات
يوم الفرح نفسه بعد ما جهز وخلاص رايح للقاعة حطيت فلوس في جيبة مع اني كنت عارفه ان معاه بس قولت من باب الإحتياط ( برضه دي مش سلف )
وفي نفس الوقت جاملت اختي بفلوس لأنها ام العريس
بعد الفرح بكام يوم رحنا بيتة نبارك له اديتة فلوس برضه ( هي دي بقي اللي تعتبر نقطة الفرح الحقيقية )

^ المعاملات مع الأهل بتختلف عن الغريب
واي حد من أولاد اخواتي لو جوازتة واقفة علي حاجة من الأجهزة حجيبهاله
والموضوع مش دين ابداااااا انا خالتهم والخاله والده
وعندنا مثل بيقول المليان يكب علي الفاضي
وطبعا الموضوع مش مقتصر عليه لوحدي
لو حد من أولادي جه يتجوز وكان ناقصه حاجة خالاتهم حيعملوا معاهم نفس اللي بعمله واكتر