بسم الله الرحمن الرحيم

السلام عليكم ورحمة الله وبركاته

خلنا نتكلم بالعاميه .
اليوم جايبلكم موضوع وأن شاء الله يحوز على رضا الجميع ,,

وهو عن كيف يقضي الشاب وقته ..!!
توجد عندنا ظاهرة التجمع بـ(الأستراحات) ..


وينك.؟؟! ... بالأستراحه .
وين بتروح!؟؟ .. للأستراحه .
من وين جاي؟ .. من الأستراحه .


وش مفهوم الأستراحه برأيكم ؟؟
بنظري مفهوم الأستراحه هي فترة النقاها والراحه عن العمل .. هل فقط الراحه عن العمل ؟؟!
يعني ماشالله اللي كاد من الصبح وما فصل ألا مع أذان العشاء >> ول ول بدا يعصب .

يا أخوان أنا بنظري أن الأستراحه ما تنفعك ولا لها أي فائده >> خلنا نتفاهم بالطيب .
ممكن أحد يقولنا وش فوائدها غير أني طفشان وماني قاعد في البيت زي الحرمه<<أغلب ردود الشباب ,,
والنبي صلى الله عليه وسلم أمرنا بعدم الكلام بعد العشاء .. وفعلا الكلام بعد العشاء مافي خير غير الغيبه والفتنه ولعب البلوت اللي أخر الليل ...الخ
طيب أنا بقولكم >> قول .
أنت طالب وخلصت من دوامك الظهر تتغدى وتجلس على النت أو تريح لك ساعه ولا ساعتين الى العصر ..
والعصر ماحد ميت العصر حي والناس تتجمع وتقدر تقضيه بأي شي ..
والمغرب تجمع أنت وأصحابك في الحاره ولا بأي مكان والعشاء أفضل وقت لرياضه بالنادي أوالمشي...ألخ
وترجع للبيت وتذاكر وترجع ع النت شوي ..


طيب هذا من وجهة نظري ...!!
أيضاً أصبح مجتمعنا لايبالي دائما يريد الراحه والخمول ..


ارجوا بأن نتكلم عن هذه القضية وكيف الحل وما أسباب وضع أستراحه وهل يلزم استراحه للشباب ؟؟
الكلام يقتضي الشباب والشيب ليس فقط الشباب .





أنتظر الردود والتفاعل .