( ايش أوصف ) مجارة بين العنزي والسبيعي
قال الشاعر/ القارظ العنزي:-
يا بو فهد قلبي من البيض مجروح
قلبي تعلق مع زينات .... التصابي
الجارحة بالعين حطت بي . جروح
الناعمات رموشهن ريش .. الغرابي
واللي ذبحني بينهن خوش ذابوح
خطو الطموح اللي تحط الخضابي
يا جرح قلبي كيف ماصير مجروح
دام ان حبيب الروح جود صوابي
الشاعر/ القارظ العنزي
=======================
رد الشاعر / حمد بن فهد المخالده السبيعي :-
. <{ ايش أوصف }> .
يالقارظ العنزي مالومك لاقلت مجروح
جرح الهوى في صدت الهاويين عذابي
كم وكم سهرت الليل من جرحهن انوح
عجز المطوع والطبيب يداوي صوابي
ثلاث من بينهن خشف عطره يفوح
الشعر سوات ليل بهيم شلاله غدابي
تعدى الخصرين على الجالين طفوح
الخد شبيه القمر هوى صاحبه هوابي
العين سهمها خطر على القلب و الروح
من أول نظرة سهمها المنطلق سطابي
والخشم سيف مجرد معلق على اللوح
آه تحته جمرتين تلتهب نوت ذهابي
وخلفها عقد لؤلؤ خلفه عسل ما يروح
صافي ما يصفى لاهو أبيض ولا عنابي
والعنق عنق غزال يرعى في ظل دوح
على بسـتان به تفاحتين حذر الدعابي
ايش اوصف واخلي يا منقض الجروح
ذكرتني جرح تنقض له سنين ما طابي
وفي الختام صلوا على النبي الممدوح
عد رمل الطعوس وإعداد رمل الهضابي
الشاعر/ حمد بن فهد المخالده السبيعي
حرر في : ١٩/ ٠١/ ١٤٤٥هجري
الموافق : ٠٦/ ٠٨/ ٢٠٢٣م