من فترة انا بعيدة شوي عن المنتدى
كنت بس اقرأ بعض الشغلات وأطلع
مرة دخلت لقيت في تقييم للقصة ولقيت تعليق علىها
ووقتها صدقًا كنت مضايقة
فالرد الي كان جاء هيك بلسم على قلبي🥺
لذلك شكرًا أختي إرتواء ردك كان جبر خاطر❤️
مع اني كنت بفكر بتغيير النهاية بس مش الآن😂
__________________
اليوم الساعة 4 العصر نتائج التوجيهي عنا بالاردن
واخوي الصغير توجيهي
أحس ممكن أزعل إذا ما نجح لا سمح الله
لاني أعرف الشعور هذا وأخاف عليه منه
حقيقة كل وقت نتيجة
بحس إني بدي ارجع او تكون نتيجتي عشان أعمل حفلة😂
لإني مش حاسس إني أعطيت الفرح حقه وقتها
وللعلم ترا أنا عدت توجيهي بعد النجاح أكثر من مرتين رفع معدل عشان أغير تخصص ومع ذلك ما تغير
واتوقع إني الفصل الجاي رح اكمل محاولات
مع إني حرفيًا متررد حيال التخصص الي بدي إياه
بس كل الي أعرفه إني لازم أغير تخصصي
إلا إذا الله كتب لي إني أبقى فيه
الي بتكون طموحه عالية مش قد جهده
هذا بتروح عليه
أنا واثقة من قدراتي ودايم ا بحكي هيك
لكن مش واثقة من إرادتي
عندي تسويف وكسل
هو سبب عدم وصولي بعد أمر الله
وكثير ناس حتى من المقربين شايفين الي بعمله هبل
إني أضل أعيد أعيد وغيرهم شايفه انو إصرار
في يوم قالي أحدهم
هذا مرض المثالية
سألت أحد أخر وقلتله الحكي قالي وين المشكلة في بحثك عن المثالية؟
كل هذا مش مهم
المهم عندي أكون راضية عشان هيك بستنفد المحاولات
بدعي الله دايمًا إني أكون راضية
فاللهم
دعواتكم لأخي ولي❤️