رسائل الله ممكن تكون آيه تسمعها وانت تفكر في موضوع شاغلك
توجيه من احدهم بدون قصد لك او لغيرك في وقت تكون ضايع ومحتاس في شي ما انت قادر تحله
في كلمة جارحه من شخص يرسله الله لك من آخر الدنيا عشان يصحيك ويمنعك من غلط كنت تسويه

تجاربي في هالموضوع كثيرة والله بس بذكر أهمها
قبل كم سنة توفي شخصيين عزيزين علي وجاتني مخاوف من الموت
جلست فتره مرعوبة وعايشه في دوامة من الفزع والخوف
بعد فترة كنت كل ماطلعت من غرفتي تمر علي آيه فيها ذكر الموت
احنا نشغل القرآن بالصالة اغلب الوقت
فكنت كل ماطلعت من غرفتي سمعت آيه عن الموت حرفيا كل ماطلعت!
لدرجة كنت اقول خلاص اليوم مرت علي آية عن الموت مستحيل تمر علي آيه ثانية عنه
واطلع وتمر علي آية ثانية
كنت اقول ذكر الموت مو بذي الكثرة بالقرآن ليش كل ماطلعت سمعته
شكلي حموت خلاص وزاد الحزن والمخاوف عندي
فتره على ذا الحال لين تعودت عليه وماصار ذكره يخوفي زي أول
كنت اهرب من ذكره والهروب فاقم المشكلة عندي
ولما واجهت المشكلة وتكررت علي الكلمة عشرات المرات قلّت المخاوف سبحان الله
وبدأت بعدها احاول اقرأ كل يوم وما اهجر القرآن وكان اكبر جبر لقلبي الحمدلله
عرفت وقتها أنه رحمة من الله ارسلها لي
لما شافني ضايعة وماني عارفة احل المشكلة اللي تواجهني