السلام عليكم ورحمة الله وبركاته


كيفكم ان شاءالله بخير ..




اليوم طبعا سويت عشاء اخواني شاورما بالدجاج طبعا نفس شاورما كودو ,,


انا الان رح اكتب الطريقه وان شاءالله تكونو فهمتو علي لانو بصراحه معرف اشرح طبخات بس اسويها لكن شرح عدل زي ناس ممعرف ههههه

























المقادير:


(صدور دجاج 6 حبات /فلفل رومي اخضر /زبده /بهارات ناعمه/ملح /بقدونس/ ليمون / وجبنه شرايح /مايونيز / خس / خبز/صوايا حلوة)




الطريقة :


1/ اول حاجه نبداء بتحضير نقطع الخضار شرايح زي فلفل الرومي والخس والبقدونس طبعا يكون ناعم ونقطع الدجاج بشكل مكعبات صغيره .


2/ ثاني شي نجيب قدر ونحط فيه زبده ونحط فيه دجاج ونغطي عليه بالغطي عشان يسير مويه ماينحرق الدجاج نفس الوقت .


3/ ثالث شي لمن يستوي دجاج كويس او قرب يستوي نقوم نفك الغطي منو عشان يتخبر ويقل من كمية المويه الموجوده في دجاج ولمن تقل هنا نحط الخضار الا هي (فلفل رومي / بقدونس)
وبعدين نقلبها علي بعض

4 / رابع شي نحط عليها ليمون /بهارات ناعمه / صوايا حلوة / ملح / ونقلبها علي بعض


5/ خامس شي والاخيره نجيب الجبنه الشرايح طبعا علي حسب الرغبه ان حبيتو تكون في الخبز او مع الدجاج تكون ذايبه احلي طبعا انا احطها فووق الدجاج واغطي عليه واكون مقفله النار بس تاخذ حرارة وتذوب

6 /نقوم نجهز الخبز نحط فيه مايونيز وخس وبعدين نحط عليه الدجاج وكده وتكون خلصت الطبخه بالهناء والعافيه .



طبعا احسسن شي في الخبز يكون فرنسسي لككن للاسسف لمن سويت انا ماكان فرنسي كان عادي


وبسس اتمني كل شي يكون واضح عندكم وتمام أي سؤال تفضلو


تحياتي لكم


بيلسان ..