نحن عائلة كبيرة ولله الحمد اخواتي إذا جونا يسون مثل الدور كل وحده تتفنن تسوي غدا او عشاء وتساعد المعاونه المنزليه اللي عندنا وبعد الغدا والعشاء يجي المدح والتقييم اللي يرفع المعنويات للسماء . مافي حماس بدون تحفيز حتى الاخت اذا سوت شاي او الزوجه امدحها اول ما تصب الشاي . ياسلام هذا شاي مخدر بطريقة تخليك تبغى بس تشوف الكوب . يعجبهم المدح ويستاهلن المدح اما الرجال فيحبون الثناء . عشت بارك الله فيك . ذيب . الدنيا سلامات طالما عندك شغلتين . اما لسان يعزز بكلام طيب او جيب يعزز بريال حلال طيب والنتيجه معنويات وعطاء مستمر . جربوا اليوم وشوفوا النتيجه . الحمد لله على نعمة أن امي على قيد الحياه واخواتي قرة عين تبارك الله وبارك الله في نساء المسلمين . الحل عند الرجال في هذه المواضيع طالما هم اكثر المستفيدين من الطبخات والترتيبات . ضخ فلوسك وكلامك الطيب والدنيا سلامات .