يا مرحبا وبصوت كل الجماهير
بالنايفه و بحرفها و الإفادة

كل شي رحب في حضورك تباشير
من أول المعنى لآخر مداده

من " الأماكن " لين وجد " المقادير "
هذا انا في الشعر كل إمتداده

وعمر القصايد ما تسوق المعاذير
لو هو غرور الصمت نكسر عناده

نقطف من ورود الشعر و النواوير
لك ومن لها في النقد كل السياده

الجادل اللي تستلذ التصاوير
والنايفه بالشعر معنى الإجادة


أهلاً بشاعرتنا النايفه

صح الله لسانك والله

وجداً ممتن لحضورك الرائع وكرمك وشهادتك

ونفس الحماس والسعادة بأن المزون سوف تعود

شكراً شكراً لك ولا تفي .