،.

قصيده أسرت قلبي :

أنتقيت منها هذه الأبيات :


“ وش على قلبك من الدنيا وما فيها مدامي
امتحيزم لك ……. ولا عندي على فرقاك نيّه ..!

جيت يوم الحرب في رمشك وانا الصّف الأمامي
وأنتي أبخص في مكاني … بالصّفوف الاوليه ..!

أستميتي دون لا يرضون في حزّة خصامي
يوم قلبك ما رضى لا هيّنه ……. ولا قوّيه

ليه قلبي لا تراعلنا ……. على قلبك يحامي ؟!
والله إنّي لابلع الجمره علشانك ! هنيّه !

آتسلّل في عتيم شعورك …. سواة الحرامي !!
قصدي اقطف لي من الضّلعين لو ورده نديه

يا ربيعي يا هواي العذب يا صفوة كلامي
يا فعل يمناي يا دعواي في صبح وعشيه ..

يا حفيدة مكرمين الضّيف يا كلّ الاسامي
يا عصابة راس “ من نيرانهم للحين حيّه “

أنتي اللّي لا طريتك ….. زاد قدري واحترامي
مانتي اللي لا طريتك ….. كانت الطّريا رديه ..

غمّضي بـ عيونك الثّنتين في ظلّي …. ونامي
وأوعدك تصحين وانا مشقي الدّنيا الشّقية ..!”