بحاول أوصف احساسي تجاهكـ وانثر الامطار
بحاول.. بس يا الغالي شعوري صعب تفسيره
انا من يومني بنت(ن) صغيره والقلوب كبار
بلاني ربي بحبكـ , وعشت بعالم الحيره
أنا من يومني طفله وانا لي بالهوى تذكار
عشقتكـ من صغر سني , يا زين الوصف والسيره
صحيح اني صغيره حيل , ومن حولي بناتصغار
صحيح همومنا لعبه , وكل أحلامنا صغيره
طموح البنت في عمري , عروسه ولعبة استشوار
وانا كل اهتماماتي , عيونكـ ياضيا الديره
في مدرستي عجزت أفهم دروسي والبلا أفكار
أفكر فيكـ يا خلي .. وزاد الشوق تفكير
أنا ما همني درسي .. ولا هموني الشطار
تجاهلت الفصل كله .. عباراته .. طباشيره
كتبت اسمكـ على هاكـ الدفاتر يالغلا تكرار
رسمت قلوب ورديه , سكنها انت , من غيره ؟
الا ياليتني بنت(ن) , تعرف تنظم الاشعار
يمين الله لأكتب لكـ قصايد تفضح الغيره
كبرت اليوم يا الغالي وزاد بقلبي الاصرار
على حبكـ , وحب اللي يحبكـ فاق تعبيره !
جذبت عيوني الثنتين , الا يا ملفت الانظار
سكنت حدود نبضاتي , بدون اجراء تأشيره
فداكـ اللي تبي آمر , تمنّى يالغلا واختار
لو انكـ تطلب عيوني , لأقول ان العمى خيره !
جميع اللي تبي حاصل , حشى ما أنطق الاعذار
ولو يتعذر قليبي , حشى مااقبل معاذيره
تأشرّ باصبعكـ للشيء , تلقى مطلبك قد صار
فخوره لو أجيبه لكـ يا سيد القلب يا أميره
تبعثرني هموم البعد , وتبحر بي كما البحار
غزاني موج بُعد الخل , ولا وضح لي تبريره
متى ألقى مراسي اليم , وتلطف فيني الاقدار
الا يا بختي بشوفه , الا ياليتنا جيره !
انا من لامني بحبكـ , عساه لقصرة الاعمار
تلوموني على شخص(ن) , حلاه احلى من الشيره ؟
قالوا لي تحبينه ؟ وقلت ان الحروف كثار
أحبه واعشقه واهواه, ولا أرضى بتغييره
شجاعه , بس لا شفتكـ , كياني يا بعدي ينهار
قويه , لكن قبالكـ , شعوري صعب تظهيره
عيونكـ يا بعد كلي , تهز الفارس المغوار
شموخكـ مفخره للعز , يذكرني بأساطيره !
الى مني تباطيتكـ , تولّع في حشاي النار
تزوّد جرعة الاحزان , تزيد القلب تخديره !
واذا يا عيني لاقيتكـ , يثور بداخلي اعصار
أطير بعالم الفرحه , تقيّدني اساويره
لو انكـ تدري بحبكـ , كم له داخلي مقدار
يطير العقل يا خلي , كأنكـ شارب(ن) بيره ..
:احراج: