عبير كفت ووفت
ماشاءالله تبارك الله

عن تجربة بقولك شي
بس اسألي نفسك قبلها
هل كان قبلا كذا او من يوم تعطل ؟
لان الرجل حسب فهمي يرى ان الهيبة راحت
وقيمته ذهبت دام انه مش قادر يلبي طلباتكم وحاجاتكم
ف يرجعها نكد
وترى نكد الرجال يع يع مقرف
وممكن يبيع الجمل بما حمل بكلمة
سلام الله ع نكدنا
اسمعي اولا
حاولي تخففي الطلبات
الأمور الي تقدري تمشيها مشيها
لكن مع همسة له انك مشيتي كذا وكذا
توفيرا معه وحرصا " انتبهي تنكبي الرصه وتقولي عشانك "

ثانيا ركزي ع حالتك النفسية انتي
متى شفتيه عصب هدي ولو شفتيه زودها بالكلام
او الكلام كان بايخ وانتي تعرفي انه بالغ فيه
اضحكي وذكريه بمواقف جميلة
والحسي عقله بكلام عن المستقبل وهدرة فاضية
و ي اختي سيطري ع اولادك
وموضوع الاولاد لازم يترتب قبلا
حاولي حتى لو تنازلتي اكثر
واذا في متنفس او ممشى حولكم
اطلعوا امشوا
المشي حلو واذا عندكم كيرم او اي لعبة
العبوا
والله بتتمنوا ذي اللحظات اذا انشغل عنكم بعدين
انتي قولي له ما احلا البيت وانت فيه
وبستمتع معك بكل لحظاتنا والخ ومن ذا الخرط

طبعا مليون في المية انا وانتي وكل الحوائيات نعرف انه بقاء الرجل في البيت كارثة كبرى
لكن الشكوى لله انتي ما تبين تخربي بيتك
وهو الظاهر يحس انكم متضايقين منه
ويبي يثبت انه صاحب الكلمة الأولى وانه مالك استقراركم
غبي انا عارفة
لكن الرجل غبي جدا جدا بموضوعين
النساء
والمال اذا طار
يصير عقله يشتغل بخلية واحدة
الله المستعان