من العنوان واضح
أنك تفكرين بالانتحار لأنك مو عارفة قيمة نفسك
لو عارفة قيمة نفسك ما بتفكرين تنتحرين لأنك ما تزوجتي

هذا مو سبب
السبب الحقيقي لأن ما عندك اهتمامات
ولا عندك أهداف ونوايا

تفكيرك المبالغ فيه بالزواج
يدل على وجود خلل وعدم توازن في العاطفة

لأن الإنسان الطبيعي يفكر ويخطط للمستقبل وكل شي
لكن ما يبالغ ولا يفكر ينتحر إذا ما صار اللي يبيه
وما يستعجل على رزقه

حاولي تصومين
وابعدي عن أي شي يخليك تفكرين بالزواج طول الوقت
يعني لا تسمعين أو تشوفين أشياء تذكرك بالزواج

وترا كل الناس عندهم اهتمامات بس المشكلة
أنك ما تعرفين شنو اهتماماتك

إذا تبين تعرفين اهتماماتك ومواهبك
شوفي الناس بشنو يعتمدون عليك أكثر شي
وشنو الشي اللي دايماً يطلبونه منك
أكيد ما راح يطلبونه منك إلا لأنك شاطرة وعندك موهبة فيه

وبعد شوفي الناس اللي تحبين تتابعينهم
ممكن يكون عندك نفس ميولهم ل هالسبب حبيتهم
جربي نفس اهتماماتهم
لأن في النهاية أنت لك بصمتك
وأكيد بتسوين الشي بطريقتك المميزة والمختلفة عنهم

بعدين ركزي على الناس اللي عندهم نفس مواهبك
شوفي كيف استفادوا منها
وحاولي أنك تستفيدين من موهبتك وتطورينها

ع الأقل إذا ما تزوجتي بيكون عندك شي يشغلك
وأحسن لما تقوين نفسك
إذا تزوجتي وأنتِ ضعيفة
ممكن إذا زوجك تركك تتحطمين وتنهارين وتموتين
لأن ما عندك شي يشغلك غيره

في رواية عنوانها " ولم يرحمني أحد "
حلوة تصلح للي ما تزوجت
لأن تعلمك كيف أن الزواج مو كل شي ولا تخلينه هدف حياتك
وقدري ذاتك واشغلي نفسك بشي ينفعك

وفي رواية ثانية عنوانها
" حياتك الثانية تبدأ عندما تدرك أن لديك حياة واحدة "
حتى هذي مناسبة للي ما تزوجت
لأن فيها أشياء مهمة لازم تعرفينها
عشان تعرفين بعض أسباب الطلاق وتتجنبينها إذا تزوجتي

لا تشيلين هم العمر وتفكرين بالمستقبل أكثر من اللازم
ل درجة تنسين الحاضر
أنتِ تضمنين إذا بتعيشين لين المستقبل ولا ؟
ما أحد يضمن
عشان كذا عيشي اللحظة
لأن اللحظة اللي تروح ما ترجع
ف لا تضيعيها بمثل هالتفكير وتنكدين على نفسك

وسورة البقرة اقرأيها لأن فيها بركة
يعني بتشوفين البركة بكل شي لو قرأتيها

وفي النهاية السعادة والأمان من الله مو من الناس
ولا من الزوج
ادعي أن الله يسخر لك الناس الطيبين

وبس
موفقة إن شاء الله