لا تجرح القلب بكثر العتاب
قدر ظروف اللي يحبك ويغليك
خل العتب مابيننا ماله حساب
مادام انا وياك وابغاك وابيك
اشتقت لك شوق المعنى للاحباب
واشتقت لك شوقٍ جموحه تهاليك
محروم من وصلك معي دونما اسباب
ومجروح من هذا الهجر في لياليك
ان كان ماودك معي تكتب كتاب
خل السهر يرمش بعيني وعينيك
يمكن عشقتك دونما ايت اعتاب
ويمكن فقدتك حيل متعلقٍ فيك
هذا طبيعي يا ام تلعات الارقاب
لا تعتقد اني ابنسى وناسيك
ياقاتلٍ صبري معك .. موصد الباب
تكفى طلبتك لا تجرحني بيديك
...
نفس الصدر
شاعر العرب