يارحمة الله كيف أعيش من دونه
إللي تركني وفارقني بلا سبه

كم كنت أحبه وأسترضيه واصونه
وكم كان عشقي الجميل وغارق بحبه

أشتاق له واتسأل عنه وشلونه
الصاحب إللي رماني في وسط غُبه

غالي علّيّه وأنا أصبحت مجنونه
هو الذي للفؤاد إعلاجه وطبه

مدري من إللي على الهجران يدعونه
ناس(ن) يبونا نتم عن بعض في غربه

لا بارك الله فيهم يوم يبغونه
يترك حبيبه ويبعد عن مدى دربه

يارب دامه رحل لا تبكي عيونه
وخله سعيد بحياته ويهتني قلبه

قد كنت أنا دنيته وقد كنت أنا كونه
ماخاف من فرقتي وما خاف من ربه

ربي معه ثم كان الله في عونه
إللي تمنيت أبقى دايم بقربه

يارحمة الله راح الحب بظنونه
ماعاد لي في بساط العيش أي رغبه