لابغيت اوصف غرامكـ ماتكفيني الحروف
ولابغيت اوصف غلاتكـ خان باحساسي الكلام

حبي لكـ يانور عيني فاق بالحب الوصوف
حبي لكـ اكبر من اني اوصفه بشوق و غرام

شفت لو مجنون ليلى يرجع و حبي يشوف
اشهد انه يعترفلي حبه من حبي ظلام

لو انا بسايقه بالحب والله اني اطوف
هذا لو انه تحدى ادري بيطلب سلام

لانه عارف ان حبي ماسكن في وسط جوف
لابشر لاجن قبلي ولابعد مليون عام

لو روحي في هواكـ تروح ماجاني حسوف
ولا يجيني احساس ان حبي على مثلكـ حرام

طيفكـ اللي لالفاني قلت ياحي الطيوف
يابعد ربعي و خلاني وبعد كل الانام

انت ساكن وسط قلبي و البشر كلهم ضيوف
انت في عيني وربي احلى من بدر التمام

احلف بخالق جبل..وادي .. سهل..ويا كهوف
اني والله كل ماشفتكـ عيوني ماتنام

اسهر اتخيل عيونكـ وارتجف ماهو بخوف
ولا هو برد (ن) ياحبيبي رجفتي حب و هيام

واقضي كل الليل اناظر صوره و عيني تحوف
ليتكـ انت اللي بجنبي ماهي صوره و السلام

تدري لو الناس كلهم وقفوا ضدي وقوف
والله اني ماتركتكـ يوم ولو زاد الملام

جيت برتب غرامي وصفت اشواقي وصوف
من كثرها ياحبيبي فيني اختل النظام

روف في قلب (ن) يحبكـ يابعد خلاني روف
تكفى لاتقسى على قلبي انا بعدكـ حطام

واعرف اني لو رحلت بيوم من سبة ظروف
يعني برجع مثل مايرجع الى البيت الحمام

في النهايه لي كلمة وكلها اربع حروف
بس والله انه معانيها ماتعدي أي كلام

ايه "أحبـــكـ" دام عندي انتهت كل الوصوف
مالقيت الا أحبــــكـ شفتها احلى ختام