هــلا يابـسـمـه الـدنـيـا هـــلا يـــاورده الاصـبــاح

هــلا يـادمـي الـجـاري هــلا يــا ســر نبضـاتـي..

شربت الحب مـن كاسـك وعشـت بدنيتـي مرتـاح

وعانـدت الزمـن وأصحابـي اللـي تحـب زلاتــي..

إذا حـبـك وســط قلـبـي غـلـط يـــاوردي الـفــواح

فـذي دعـوات مـن قلبـي يـارب تـزيـد غلطـاتـي..

عرفتـك والزمـن جايـر يـزود فـي حشـاي إجـراح

وجرحي مـن بعـادك والبعـد كـم عـاق خطواتـي..

ياليـت أتشوفـي بعيونـك ودمـعـي بالبـعـد مــاراح

أهل أدموع مـن شوقـي لشوفـك وأكتـب أبياتـي..

أنـا والليـل والقمـرى ونجـم فـي السمـاء وضــاح

وقـلـب حـيـل حبيـتـه سـكـن قـلـبـي ولا مـاتــي..

أحبه وأعشقـه وأسهـر علـى شانـه لاجـل يرتـاح

يسولف لي وأسولف له وأعيشه بأجمل أوقاتي..

لقيـتـه يـــوم لاقـيـتـه وشـفـتـه مـثــل بـــرق لاح

جمـال الــورد عنـوانـه ونــوره نــور مشكـاتـي..

طويـل القـامـه أمـدلـل ولمـحـت ناظـريـه أرمــاح

ومن شفته وأنا أعاني سبب في البوح وسكاتي..

أشـوفـه فــي خيـالـي وأذكــره وأرعــاه لايـنــزاح

واسكـرهـا عيـونـي وأبـصـره وتـهــل عـبـراتـي..

لابــد أتــدور دنيـانـا وتجمـعـنـا ســـوى يـاصــاح

ويجمـعـنـا الـزمــن مـــره وآكـررهــا زيـاراتــي..