وعلى طاري الكوره والتعصب الرياضي
احدى الصديقات هلاليه متعصبه جدا
ووالدها نصراوي عتيق
قابلتها هذا الاسبوع وفي حديث عن الرياضه
فاجأتني انها تركت متابعة كرك القدم كلها
قلت طيب وش جد عليك
قالت ..
اول شي كل ديربي بين الهلال والنصر ياخذني الحماس لمحارش الوالد
خفت ادخل بالعقوق من كثر مانتجادل
والقولون عندي يضرب مع كل مباراه
فقررت اشتري راحة بالي والحمد لله ارتحت
قلت طيب هل لهذا القرار تأثير سلبي على شغفك بشكل عام !
قالت بالعكس تطور شغفي في مجالات اخرى استفدت منها
قلت المشكله كلها من تحت راس النادي اللي كنتي تشجعينه
