09-26-23, 02:38 AM
|
#772 |
| |
هذي السنة شرابة البن غيَّاب
أملى دلالي وآتقهوى لحالي
ساعات كني سامعٍ دق في الباب
وإليا فتحت الباب ولياه خالي
صد وجفا وغياب مجهول الأسباب
بالرخص باعوني وأنا كنت غالي
دار الزمن وأثره كما قيل دولاب
طالع ونازل بين ميل وعدالي
يبدي القمر بحساب ويغيب بحساب
بيض الليالي بين سود الليالي
العام كنا فيه خلان وأحباب
نتقاسم اللقمة ونص الريالي
واليوم صرنا نلتقي مثل الأغراب
رد السلام ولا نشد كيف حالي
ياقلب لو أبديت له لوم وعتاب
ما له مع الحي المقفي مجالي
وإن قلت له هذا بلا أبو يا عقاب
لا حاسبك مكسب ولا راس مالي
|
|
|
 |