امي غلاها في حشى القلب موجود
من الله خلقني وحطني في حشاها
اللي بحضنه ريحة المسك والعود
ارجي من الله لايحرمني دعاها
الله يحفظ اللي عن الغير به زود
اللي لبنها يشرقك من حلاها
اللي رضاها من رضى كامل الجود
يبشر بجنة من سعى في رضاها
ويشهد علي الله واعباده اشهود
انه غذاء روحي وللعين ماها
اللي احبه حب مايعرف احدود
تروح روحي مع حلالي فداها
يالله يامولاي.. ياخير معبود
يامنشي ثقال السحاب بسماها
تحسن اختامة قادرا منت مردود
وانك بجناتك... تعل لي بناها
امين يارب
كتبت هذه الابيات المتواضعه قبل وفاة والدتي
رحمه الله رحمة واسعه واسكنة فسيح جناته
اهديها لكل من والدته على قيد الحياة